{youtube:http://www.youtube.com/watch?v=Ob_Sq__g01E 450 320}

Official Trailer #1 – (1954):

Org. tittel: Rear Window
Regi: Alfred Hitchcock  (USA 1954)  Lengd: 112 min

Fotografen Jeffries vert skada under eit farleg oppdrag og må tilbringe restitusjonstida heime i
leiligheita si, bunden til ein rullestol. For å få tida til å gå, skrur han av lyset og held oppsyn med
naboane på andre sida av bakgården. Etterkvart får han mistanke om at ein av desse, juvelhandlaren
Lars Thorwald, har drepe kona si.

Heile filmen er skoten på ein og same lokalitet, bygd opp ved Paramount Studios. Det aller meste
er filma frå Jeffries perspektiv, gjennom vindauget mot bakgården. Å skape ein nerverøskande
spenningsfilm ut frå slike avgrensa rammer seier sitt om Hitchcock sitt format. I kinosalens mørke
vert publikum på godt og vondt eitt med hovudpersonen, dels som nysgjerrig kikkar og dels som
hjelpelaust vitne.

I tillegg til dramaet bak juvelhandlaren sitt vindauge, vert me vitne til løyndommane i
kvardagslivet, slik dei faldar seg ut gjennom bakgårdsvindauga i ei mengd andre husvære. Desse
innblikka kan reknast som ein kommentar til samfunnet generelt og ekteskapet spesielt.