{youtube:http://www.youtube.com/watch?v=twuScTcDP_Q 450 320}

Regi: Duncan Jones (Eng 2010) 1t 37min
Lunar Industries forsyner jorda med Helium 3, eit stoff som gir livsviktig
radioaktivfri energi. Sam (Sam Rockwell) jobbar for Lunar Industries og
har i tre år vore einaste arbeidar i gruveoperasjonen på månen. Sam arbeider
ikkje fysisk i gruva; alt er heilautomatisk, men den menneskelege hjernen – og
hendene hans  er viktige ved reperasjonar og generelt vedlikehald av basen. Sam
Rockwell imponerer stort i rolla som Sam Bell; han held på å gå frå forstanden
på grunn av einsemd, og den eineste kameraten hans er den snakkande
datamaskinen GERTY (Kevin Spacey). Av og til får han videobrev frå jorda
frå kona og dottera si samt frå hovudkvarteret til Lunar Industries. Sam gler seg
som eit barn til å reise heim; han har to veker igjen av tenesta då det begynner å
skje merkelege ting på og rundt basen.

”Moon” er debutfilmen til den britiske regissøren Duncan Jones, son av David
Bowie, og det er tydeleg at han har arva faren sin fascinasjon for det ytre
rommet. Filmen er blitt ein såkalla hard science fiction der ei form for realisme
blir føretrekt i så vel handling som visuelt, framfor action og spektakulære
effektar. Likskapen med Stanley Kubricks ”2001 en romodysse” (1968) er
slåande, men dette er ingen remake!
Sam Rockwell briljerer i rolla som Sam og ber heile filmen stort sett ålene.
Dette er dog ei sanning med modifikasjonar. Musikken på ”Moon” er perfekt for
å setje tilskodaren i den rette stemninga. Clint Mansell er ein av mest spennande
filmkomponistane i vår tid. Samarbeidet hans med Darren Aronofsky på
filmane ”Pi”, ”Requiem for a dream”, og ”Fontenen” har skapt han eit namn vi

må rekne med i lang tid framover. Foto på Moon er det Gary Shaw som står for,
og saman med Nicolas Gasters klipp skaper dei alle saman ei komplett science
fiction filmoppleving.
”Moon” har alt vunne fleire prisar, blant anna i Edinbourg og i Seattle.