{youtube:http://www.youtube.com/watch?v=8dHI2d4ftF4 450 320}

VODKA LEMON.

Vi er i ein kurdisk landsby i Kaukasus, Armenia. Hamo er enkjemann og reiser kvar dag til kona si grav for å prata med henne. Borna har flytta ut og heimen vert meir og meir ribba for eigedelar, dei vert seld på marknaden for å skaffa pengar til mat.

På kyrkjegarden møter Hamo Nina, også ho er enkje, og eit venskap utviklar seg litt etter litt. Den dagen ho misser jobben sin på Vodka Lemon, ein utsalsstad for vodka til den fattige lokalbefolkninga, må ho venda seg til Hamo for å få hjelp.

Filmen føregår i eit ublidt og forblåst arktisk landskap der augeblink av omsorg, humor og varme er det som skal til for å klara seg. Den kurdiskasiatiske regissøren Hiner Saleem er sjølv djupt fascinert av det harde livet i eks-sovjetrepublikken Armenia: ”For meg er alle armenarane tryllekunstnarar, for eg forstår ikkje korleis dei lukkast i å overleva. Eg reknar med dei ikkje forstår det sjølv heller.”

”Vodka lemon er ein uvanleg vakker film. Eit fantasirikt, rørande og poetisk verk skapt utifrå ein smertefull observasjon av den verkjelege verda.”