{youtube:https://www.youtube.com/watch?v=g6_XXl9g1g4 580 320}

Tysdag 29. september  kl 19.30

Regi: Roy Andersson  (Norge / Sverige / Frankrike / Tyskland 2014) 1 t. 41 min.

Anderssons trilogi om det å vera menneske starta med Sanger fra andre etasje i 2000, heldt fram med Du levande i 2007 og kulminerer no med ein film som er like fantastisk, vittig, absurd og underleg som tittelen indikerer. Her formidlar Andersson eksistensen vår i både mørke og lyse stunder, i ein overraskande morosam film som er full av det menneskelege – sjel og varme. 

Vi møter små, grå menneske i eit stilisert bymiljø, der dei blir utsette for ulike utfordringar, provokasjonar og/eller påkjenningar som set reaksjonsmønstra deira på prøve. Somme kritikarar har hevda at dette er ein av årets største kino-opplevingar!